صبا مبارك فخورة بدورها في مسلسل “لحظة غضب”
في يوم 24 مارس، 2024 | بتوقيت 2:28 م
![](https://alalamelyoum.co/wp-content/uploads/2021/12/صبا-مبارك.jpg)
كتب: مصطفى عبد العزيز
تحدثت الفنانة صبا مبارك، عن الأدوار التي تحب تقديمها، وعن أمنيتها التى تتمناها لـ مسلسل “لحظة غضب”، والمسلسل من أعمال منصة watch it الأصلية ويعرض حصريًا على المنصة.
وقالت صبا مبارك،: بحب عدم تكرار الأدوار والشخصيات، وكان عندى السنة دى و اللى فاتت أكثر من مسلسل اتعرضوا وراء بعض دى حاجات ليها مساوئ وحسنات، واحدة من الحسنات أنك لو مركز وبتختار أدوار مختلفة كل مرة ده هيتيح فرصة للجمهور أنه يشوفك بأكثر من شخصية مختلفة عن التانية بشكل كامل وده طموحى أنى أقدم كل مرة حاجة تانية ومختلفة”.
وأضافت صبا مبارك: “إحنا عاملين مسلسل لحظة غضب فخورين به جدًا ويارب زى ما إحنا بنحبه وكنا بنذهب كل يوم الشغل ومبسوطين ونفسنا نعمل حاجة أن الإحساس ده يوصلكم وانتوا بتتفرجوا عليه وتحبوا المسلسل”.
ويعرض مسلسل لحظة غضب، حصريا على منصة watch it ومن 15 حلقة بطولة صبا مبارك، محمد شاهين، على قاسم، ناردين فرج، سارة عبد الرحمن، ريم خوري، وغيرهم من الفنانين، وهو من تأليف مهاب طارق، وإخراج عبد العزيز النجار، وإنتاج تى فيجن للمنتج طارق الجناينى.
وتدور أحداثه في إطار من الغموض والتشويق حسب ما أظهر البرومو الرسمي للعمل، حول يمنى وهي تعمل طباخة في أحد الفنادق الكبرى، يختفى زوجها شريف في ظروف غامضة أثناء الاحتفال بعيد ميلادها، وتحاول إيجاده بمساعدة شقيقه مصطفى.