يسرا سعيدة بعودتها إلى السينما بعد غياب

أعربت الفنانة يسرا عن سعادتها الكبيرة بعودتها إلى السينما خلال فيلم “ليلة العيد” الذى انطلق بدور العرض السينمائى الخميس الماضي 25 يناير، للمنافسة في موسم إجازة منتصف العام الدراسى.
وقالت يسرا بمناسبة عودتها إلى السينما بعد غياب سنوات طويلة: “إن افتقدت تواجدها في السينما خلال الفترة الماضية، نتيجة لانشغالها بتقديم أعمال درامية في شهر رمضان، ولكنها سعيدة كثيرا بعودتها لها مرة أخرى”.
وأضافت يسرا: “السينما ليها مذاق خاص جدًا ملهاش علاقة بالتليفزيون، السينما ليها معنى تانى خالص عندى، وفيلم “ليلة العيد” الموضوع اللى بيناقشه مهم جدًا لأنه بيتكلم على أكثر من مشكلة، مش مشكلة واحدة، وفى نفس الوقت، الموضوع متضفر مع بعضه حلو، القضايا فيه ملمومة في موضوع واحد وده حلو أوى، والأستاذ أحمد عبد الله كاتب موضوع رائع وسامح عبد العزيز عامل شغل يجنن ومعانا أبطال مهمة جدًا”.
وتابعت يسرا:”بتمنى الفيلم يعجب الناس، وهو فيلم تقيل أوى مش فيلم خفيف، مش زى ما الناس عاوزة تيجى تضحك، دا فيلم درامى وليه معنى كبير أوى، واحب أعبر عن فرحتى بوجود العديد من النجمات الكبار في السينما خلال هذا الموسم، اسعاد يونس فرحانه ليها جدا، وفرحانة لـ ليلى علوى وكمان وفرحانة لـ هالة صدقى وكمان ألهام شاهين على الشغل والإنجازات اللى عملتها”.