تارا عماد سعيدة بالمشاركة في فيلم “لأول مرة”

أعربت الفنانة تارا عماد عن سعادتها بالمشاركة في فيلم “لأول مرة”، حيث قالت إن تجربتها في فيلم “لأول مرة” تعد تجربة جديدة عليها، ووصفتها بأنها “تجربة جميلة وأنا اتبسطت”.
وأضافت في تصريحات لها “عانينا لأن المشاعر اللي كانت محسوسة في الفيلم والمشاهد مكنتش سهلة، واحنا صورنا كل المشاهد ورا بعض”.
وتابعت: “أنا بقول أني اتبسطت في الفيلم ده لأن جالنا فرصة إن احنا نصور مشاهد الفيلم بالترتيب، ودي حاجة خليتنا كلنا مبسوطين”.
كما علقت تارا عماد، على المواجهة في حالة وجود خيانة زوجية، وقالت: “أنا ممكن أواجه واتكلم، بس مش هقدر بأي شكل من الأشكال أني أقبل وضع فيه خيانة”.
وأضافت: “أعتقد لو في إحساس ان في خيانة، فأكيد هيكون في سبب إن الإحساس ده موجود، ساعتها هتكلم، بس مش هاخد موقف، لأن الموقف في الوقت ده هيبقى تهور”.