خواطر بترولية
في يوم 1 يناير، 2025 | بتوقيت 2:32 م
سنة 2025 هلت علينا
جاية بإذن الله ومعاها خير لينا ولأهالينا
أرض مصر محروسة من قبل ماجينا الدنيا واتشكلت اسامينا
وإتعلمنا فيها خطاوينا
العامل عالبريمة رافع إيده للسماء يدعي ربنا يارب إدينا
وفي عز الحر والبرد يارب إحمينا
بلدنا ملهاش غيرنا يحميها ويرفع رايتها ويصون اراضيها
وهدفنا بترول وغاز يكفينا
بجهد وعرق ولادنا
في الصحراء الغربية والشرقية وسينا
مش بس يشغل مصانعنا
وكمان ينور بيوتنا ومدارسنا وحوارينا
وغاز إكتشفناه نصدره للدول حوالينا
وكمان الدول إللي بعيدة عن عيننا
والذهب بيطلع من أرضنا
يتشكل سبائك ترفع من قيمة عملتنا
ويملي خزينتنا
وكمان للزينة في ليالينا
ويحي الأمل فينا
في غد يحقق كل أمانينا
ده مصر محتاجة لكل واحد فينا
يبذل عرقه وجهده لأجل العلم مايرفرف علينا
وحمامة سلام طايرة من بيت لبيت علي أراضينا
جايبة الفرحة والخير لينا ولكل اللي حوالينا
عماد حمدى منسى
[email protected]
