هشام ماجد يكشف كواليس فيلم “إكس مراتي”

كشف الفنان هشام ماجد كواليس فيلم “إكس مراتي”، قائلاً: “الفيلم عمل حالة حلوة مبسوط بيها غير أرقام الإيرادات الكبيرة اللى بيحققها، وأول حاجة الفضل يرجع فيها لنجاح الفيلم هم المؤلفين اللى استحملونا بصورة كبيرة وإحنا شغالين على الفيلم”.
وأضاف ماجد: “مش أول مرة أعمل دور دكتور، ولكن في الفيلم حاولت مع شخصية الطبيب النفسى إني أستعين بناس من أصحابي اللى بيشتغلوا في نفس المجال علشان أخد فكرة عن الدور تساعدني في تقديم الدور”.
وأكد هشام ماجد على سعادته بالنجاح الكبير الذى يحققه فيلم إكس مراتي على مستوي الإيرادات قائلاً: “الفيلم عمل حالة حلوة وبشكر كل اللى شكروا فيه، أو اتكلموا عنه عندهم على السوشيال ميديا من الزملاء في المهنة”.
وعن تعاونه مع المخرج معتز التوني قال: “بنشتغل مع بعض كتير ومبسوط ليه جدًا بنجاح الفيلم خاصة إنه كان واخده تحدي على مستوي الصورة الإخراجية وأمور كتير في الفيلم مش مجرد كوميديا بس”.
تدور أحداث الفيلم في إطار اجتماعي كوميدي، حيث طبيب الأمراض النفسية يوسف الذي يتولى إصدار تقرير نفسي عن المجرم الخطير طه حتى يتم الإفراج عنه من السجن، ويكتشف أنه طليق زوجته سحر ووالد ابنها.